Bizimoduari eta Bizitza-luzerari buruzko 1. Inkesta Nazionalaren emaitzen arabera, gehiegikeriarik gabe jateak eta egunero ariketa fisikoa egiteak bizitza luzatzen dute.

Inkesta 80 eta 104 urte bitarteko 242 pertsonari egin zaie, eta honako hauek dira ondorioak:

  • Inkesta erantzun dutenen % 31,5ek elikagaien murrizketa-garairen bat jasan dute gutxienez 2 urtean, gerran eta gerra ostean. Egoera hori osasunarentzat kaltegarria da, gorputzak ez baititu hartzen behar dituen substantzia guztiak. Nolanahi ere, kopuru txikiak jatea osasungarria da eta gomendagarria bizitza luzatzeko.
  • Inkestatuen % 9,6k baino ez dute uste beraien egungo osasuna txarra dela. Gainerakoek adierazi dute egoki elikatzen direla eta horrek eragina duela osasunean. Osasun ona dutela diotenek beraien bizitzako zati handi bat landa giroan eman dute, eta egunero jaten dituzte 3 fruta-ale edo gehiago.
  • % 63,4k uste dute euren bizitzan elikadura arrunta izan dela, eta beti izan dutela pisu egokia. Inkestatuen % 64k garaian garaiko dieta izaten dute, fruta, barazki eta arrain ugarikoa (dieta mediterraneoa).

3 elementu giltzarriak bizitza osasungarria izateko

Elikadura ohiturak: txikitatik jaso behar dira elikadura ohiturak, bizitza osoan eutsi behar zaie eta adinaren arabera egokitu. Horrela, helduaroan ohitura osasungarriagoak izan behar dira: fruta, ortuari eta arrain gehiago kontsumitu behar dira eta haragi gorri, opilgintzako produktu eta freskagarri gutxiago.

Ariketa fisikoa: gaur egungo bizimoduaren ondorioz, gutxiago mugitzen gara eta gehiago jaten dugu. Egunero kirola egitea ezinbesteko faktorea da bizi-kalitatea ona bermatzeko. Berrogei urtean 700 kcal baino gehiago egin du gora eguneroko kaloria-ingestak.

Bizitza soziala: burua elikatu egin behar da bizitza sozial aktiboaren bidez.

Ondorioa

Gure dietak arina izan behar du, honako hauetan oinarrituta: fruta eta barazkiak, arraina, fruitu lehorrak, lekaleak, labore integralak eta oliba-olioa. Sasoian sasoiko eta tokiko produktuek zein egunero ariketa egiteak hobeto zahartzen lagunduko digute.

AESANen oharra -Bizimoduari eta Bizitza-luzerari buruzko Inkesta Nazionala-
FESNAD – Nutrizio, Elikadura eta Dietetika Elkarteen Espainiako Federazioa-

Utzi erantzuna

Zure e-posta ez da publikoa izango. * Derrigor bete beharrekoak

Garbitu formularioaPost comment