Azken hamarkadetan oro har europarren osasuna nabarmenki hobetu bada ere, obesitatea eta diabetesa bezalako gaitzek joera kezkagarria islatzen dute Europa guztian. Osasun publikoaren alorrean asko aurreratu badugu ere, oraindik ere gauza asko dago egiteko bizimodu osasungarriak sustatzeko. Bestalde, osasun alorreko gastu murrizketaren eragina hurbiletik jarraitu beharko duguosasun adierazle batzuetan.

Hauexek dira EUFICen web orrian jasotako azterlanaren ondorioetako batzuk. Bertan, europarren osasunari buruzko datuak ere aurki ditzakegu:

Gaixotasun kardiobaskularrak

  • 2010ean, gaixotasun kardiobaskularrek Europako heriotza guztien % 36 eragin zuten.
  • Frantziak, Italiak, Portugalek eta Espainiak bihotzeko gaixotasunen ondoriozko heriotza-tasarik baxuena dute. Horrek indartu egiten du dieta mediterraneoaren onuren hipotesia.
  • Bihotzeko gaixotasunaren ondoriozko heriotza-tasan murrizketa izan duten herrialdeek (adib. Herbehereak, Danimarka, Erresuma Batua eta Irlanda) edo garunetako hodietako istripuaren ondoriozko heriotza-tasa baxua dutenek (Frantzia, Herbehereak, Txipre eta Irlanda) erretzeko ohitura edo hipertentsioa murriztuz eta tratamendu medikoan hobekuntzak ezarriz lortu dute.

Diabetesa

  • Diabetesak proportzio epidemikoak ditu oraindik ere: EBko estatu kideetan, 2011n 20 eta 79 urte bitarteko herritarren % 6k (30 milioi pertsona) diabetesa pairatzen zuen.
  • 1 motako diabetesak (bertan, gorputzak ezin du intsulinarik sortu) kasu guztien % 10-15 biltzen du.
  • Obesitatea eta jarduera fisikorik ez egitea saihestu daitezkeen 2 motako diabetesaren (intsulina ekoizpen txikia izateagatik edo intsulinarekiko sentsibilitate faltarengatik sortua) eta hari loturiko zailtasunen bi arrisku-faktore dira. Datu horiek garrantzi handia dute, gehiegizko pisuaren eta obesitatearen prebalentzia handituz doalako.

Gainpisua eta obesitatea

  • EBko herritarren % 52k gehiegizko pisua dauka. Obesitatearen prebalentzia Errumania eta Suitzako % 8tik Erresuma Batua eta Hungariako % 25era bitartekoa da eta EB guztiko batez bestekoa % 17koa da.
  • 15 urteko sei mutiletatik batek eta hamar nesketatik batek gehiegizko pisua edo obesitatea dute. Gehiegizko pisua duten gazteek gosaria ez hartzeko aukera gehiago dute, fisikoki ez dira horren aktiboak eta denbora gehiago ematen dute telebista ikusten. Esku-hartzeak elikadura aukera osasungarriak eskaintzera eta jarduera fisikoa sustatzera bideratuta daude.
  • Gantzen eta azukrearen gaineko zergekiko interes berria dago, hainbat herrialdetan gaineratu baitira, baina oraindik goiz da horien eragingarritasuna baloratzeko.

Fruta eta barazki kontsumoa

  • 2008an, pertsona helduen % 63k egunero fruta eta barazkiak kontsumitzen zituela adierazi zuen (hala ere, horrek ez du esan nahi fruta eta barazkien eguneko kontsumoari buruzko gomendioak betetzera heltzen zirenik).
  • 2009/10eko Health Behaviour in School-aged Children (HBSC) inkestan, nesken % 33k eta mutilen % 25ek adierazi zuten fruta egunean behin behintzat jaten zutela (hala ere, horrek ez du esan nahi fruta eta barazkien eguneko kontsumoari buruzko gomendioak betetzera heltzen zirenik).
  • Barazkien kontsumoari dagokionez, frutarenaren antzekoa zen.

Jarduera fisikoa

  • 5 haurretatik 1ek bakarrik (11 eta 15 urte bitartean) aitortzen zuen haren jarduera maila (neurrizko eta intentsitate handiko jarduera) gomendatutako eguneko 60 minutuetara heltzen zela.
  • Aurreko inkestarekin (2005-06) alderatuta, aitortutako jarduera mailak zertxobait murriztu ziren mutilen zein nesken artean.

Web orrian, gainera, 2010. eta 2012. urteei dagozkien Europako osasunari buruzko bi txostenen alderaketa aurkituko dugu:

"Health at a Glance: Europe 2010" azterlana "Health at a Glance: Europe 2012" azterlana
Osasunaren egoera
2008an gaixotasun kardiobaskularrek heriotza guztien % 40 eragin zuten. 2010ean gaixotasun kardiobaskularrek heriotza guztien % 36 eragin zuten.
2008an minbizia heriotza guztien % 26ren kausa izan zen. 2010ean minbizia heriotza guztien % 28ren kausa izan zen.
2010ean 20 eta 79 urte bitarteko helduen % 6 baino gehiagok diabetesa zuen. 2011n 20 eta 79 urte bitarteko helduen % 6 baino gehiagok, hau da, 30 milioi pertsonak, diabetesa zuen.

Helduen % 50,1ek gehiegizko pisua edo obesitatea zuen.

Batez beste, helduen % 15,5 obeso zen (2008 edo datuak dituen hurbileneko urtea).

Helduen % 50 baino gehiagok gainpisua edo obesitatea zuen EBko 27 herrialdeetatik 15etan.

Helduen % 52k gainpisua edo obesitatea zuen.

Batez beste, helduen % 17 obeso zen (2010 edo datuak dituen hurbileneko urtea).

Helduen % 50 baino gehiagok gainpisua edo obesitatea zuen EBko 27 herrialdeetatik 18tan.

Osasunaren determinatzaileak

2008an (edo hurbileneko urtean), helduen % 24,2k egunero erretzen zuen.

2008an, EBko 27 herrialdeetatik lautan helduen % 20 baino gutxiagok erretzen zuen egunero

2010ean (edo hurbileneko urtean), helduen % 23k egunero erretzen zuen.

2010ean, EBko 27 herrialdeetatik zazpitan helduen % 20 baino gutxiagok erretzen zuen egunero.

Dirudienez, Txekiar Errepublikan erretzaileen tasa areagotzen ari da.

10,8 litro alkohol per cápita 2008an.

Kanbio-Tasa per cápita Europan: % 13ko murrizketa 1980.

10,7 litro alkohol per cápita 2010ean.

Kanbio-Tasa per cápita Europan: % 13ko murrizketa 1980.

105 kg fruta eta 116 kg barazki per cápita kontsumorako (2007).

Helduen % 63k adierazi zuen egunero fruta eta barazkiak jaten zituela (2008).

15 urteko nesken % 33k eta mutilen % 25ek egunean behin gutxienez fruta jaten zutela adierazi zuten (2009/10).

Europarren Osasun azterlana OECD 2010-2012

Utzi erantzuna

Zure e-posta ez da publikoa izango. * Derrigor bete beharrekoak

Garbitu formularioaPost comment