Lau kontsumitzailetik batek (% 24,6) eta txikizkako denden arduradunen % 17k uste dute elikagai asko ez direla seguruak. Estatu kideen artean alde handia dago Elikagaien Segurtasunaren inguruko pertzepzio horretan.

Horixe da, hain zuzen ere, Europako kontsumitzaileen egoerari buruzko adierazleen bederatzigarren taulako aurkikuntzetako bat.

Taula hori Europako Batzordeak argitaratu du duela gutxi. “Mesfidantza” horrek gora egin du azken hiru urteotan. 2010. urtean kontsumitzaileen % 21,2 ziren mesfidati, 2011n % 22,4 eta 2012an % 24,6. Bestalde, elikagaien txikizkarien artean 10etik 1ek (% 86,9 2012. urtean eta % 86,8 2012an) diote agintariek aktiboki zaintzen dutela Elikagaien Segurtasun arloko legedia betetzen den ala ez.

Elikagaien zein merkaturatutako beste produktu batzuen segurtasunaren inguruan zalantza handienak dituzten herrialdeak hauek dira: Errumania (% 52), Grezia (% 28), Lituania (% 40), Kroazia (% 35,2), Txipre eta Bulgaria (bietan % 33). Herrialde hauetan dute, aldiz, konfiantza handiena produktuen segurtasunari dagokionez: Finlandia (% 5), Erresuma Batua (% 9), Irlanda (% 10) eta Holanda (% 11).

Kontsumitzaileen eskubideen ezagutzari buruzko adierazleak baieztatu egiten du Europako kontsumitzaile askok ez dituztela ezagutzen euren eskubideak eta ez dakitela horiek aplikatzen. Inkestatuen % 12k baino ez zituzten zuzen erantzun kontsumitzaileen eskubideen inguruko lau galdera, eta % 17k galdera bakar bat erantzun zuten zuzen edo ez zuten erantzun zuzenik eman.

Europako kontsumitzaileen egoerari buruzko adierazleen taula, 2012

Utzi erantzuna

Zure e-posta ez da publikoa izango. * Derrigor bete beharrekoak

Garbitu formularioaPost comment