Lehenik eta behin, alergiak eta intolerantziak ezberdindu behar ditugu. (Klikatu esteka bakoitzean esanahia ikusteko).

EUFICek elikagaiekiko alergien inguruko txosten bat egin berri du. Bertatik datu hauek azpimarratu nahi ditugu:

Alergien prebalentzia Europan

Informazio +

Elikagaiekiko alergia klinikoki baieztatu zen ikerketetan, benetako alergiak zituzten pertsonen ehunekoa % 1 eta 5 bitartekoa izan zen. Gaixoaren adierazpenei jarraikiz, gaixoen % 3- 38k azaldu zuten euren ustez elikagaiekiko alergiaren bat zutela. Horrek islatzen du zer-nolako aldea dagoen alergia zutela uste zuten pertsonen ehunekoaren eta benetan alergia diagnostikatuta duten pertsonen ehunekoaren artean.

Erantzun alergikoak eragiten dituzten elikagaiak
Informazio +

Alergia sortzen duten 120 elikagai baino gehiago deskribatu dira, baina horietako gutxi batzuek besterik ez dituzte sortzen erreakzio alergiko gehienak (behi-esnea, arrautzak, soja, artoa, mariskoa, frutak eta fruitu lehorrak, hala nola, intxaurrak edo kakahueteak).

Elikagaiekiko alergien diagnostikoa

Informazio +

Alergikoak direla uste duten (auto-diagnostikoa egiten dute) pertsonen ehunekoa klinikoki alergiko gisa diagnostikatuta dauden pertsonen ehunekoa baino handiagoa da. Diagnostiko zehatza egin behar da, betetik, hala behar izan gabe, gure dietatik hainbat elikagai ez kentzeko eta, bestetik, datu mediku fidagarriak edukitzeko alergia horien aurrean jardute aldera.

Elikagaiekiko alergien prebalentzian eragina duten faktoreak

Zalantzarik gabe, badaude elikagaiekiko alergiak garatzea sustatzen duten faktore genetikoak; baina, hala ere, froga askok aditzera ematen dute faktore genetikoak ez direla arduradun bakarrak. Horrela, badirudi alergia horiek agertzea genetika-, ingurumen- eta demografia faktore ugarirekin lotuta dagoela.

Alergia eta intolerantziei buruzko informazio gehiago
ELIKALTE – Elikagaiekiko Alergiadunen Elkartea – Web-orri ofiziala
EUFICen txostena: elikagaiekiko alergiak

Utzi erantzuna

Zure e-posta ez da publikoa izango. * Derrigor bete beharrekoak

Garbitu formularioaPost comment