OMSek Ekintza Plan bat adostu du mundu mailan, gaixotasun horiei dagokienez; izan ere, 2008an 36 milioi heriotza eragin zituzten.

Gaixotasun ez-transmitigarri nagusiak honako hauek dira, besteak beste: gaixotasun kardiobaskularrak, minbizia, biriketako gaixotasun kronikoak eta diabetesa. 2008ko heriotza horietatik % 48 gaixotasun kardiobaskularrek eragin zituzten, % 21 minbiziak, % 12 biriketako gaixotasun kronikoek eta % 3,5 diabetesak.

Gaixotasun horiek guztiek dituzte honako lau arrisku-faktore hauek:

  1. Tabakoa kontsumitzea.
  2. Dieta ez osasungarriak egitea.
  3. Ariketa fisikorik ez egitea.
  4. Alkohol gehiegi edatea.

Plan horren xedea da gaixotasun horiek eragiten dituzten heriotza goiztiarren tasa % 25 murriztea 2025ean; izan ere, hori gertatu ezean, OMEk zenbatetsi du 2030ean 55 milioi pertsona hilko direla gaixotasun horien ondorioz. .

Obesitateari buruzko datuak

  • 2,8 milioi pertsona hiltzen dira obesitatearekin edo dietan gorabeherak izatearekin lotutako gaitzen ondorioz.
  • Obesitate kasuak bikoiztu egin dira mundu osoan 1980az geroztik.
  • 2008an, 20 urteko edo 20 urtetik gorako 1,4 milioi helduk zuten gehiegizko pisua zuten.
  • 20 urteko edo 20 urtetik gorako helduen % 35ek gehiegizko pisua zuten eta % 11 obesoak ziren.
  • Munduko biztanleen % 65 bizi diren herrialdeetan heriotza gehiago eragiten dituzte gehiegizko pisuak eta obesitateak desnutrizioak baino.
  • Bost urtetik beherako 40 milioi umek gehiegizko pisua zuten 2011n.
  • Obesitatea prebenitu daiteke.

Planak bere baitan hartzen du zaintza-esparrua, 25 adierazle dituena. Horien bidez, hurbiletik zainduko da heriotza- eta morbilitate-tasa, eta balioetsi egingo dira, batetik, arrisku-faktoreen tratamenduan egiten diren aurrerapenak eta, bestetik, nazioko estrategien eta planen aplikazioa.

Ekintza Plana 2013-2020
Zaintza integralaren munduko esparru-proiektua, eta gaixotasun ez-transmitigarrien prebentziorako eta kontrolerako helburuak
Gaixotasun ez-transmitigarriak –OMS–

Utzi erantzuna

Zure e-posta ez da publikoa izango. * Derrigor bete beharrekoak

Garbitu formularioaPost comment