EFSAk argitaratutako zientzia-iritziaren helburua izan da aztertzea zer-nolako arriskua eragiten duen osasun publikorako arrautzaren patogenoak ugaritzeak eta arrautza bera hondatzeak, biltegiratze-denboraren eta -baldintzen arabera.

Horretarako, Salmonella enteritidis hartu da erreferentzia gisa, hori baita patogeno garrantzitsuena. Bada, honako emaitza hauek lortu dira:

Zenbat eta denbora gehiago biltegiratuta, hainbat eta arrisku handiagoa (arrautza ondo kuzinatu den kasuetan salbu). Areagotze horren magnitudea saltokian eta etxean biltegiratuta egon den denboraren araberakoa da.

Arrisku hori murrizteko modu eraginkor bat da arrautzak hoztuta gordetzea bai saltokian, bai etxean.

Datu esperimentalek hau erakusten dute:

  • Iraungitze-data astebetez luzatzean (21 egunetik 28 egunera) lehentasunezko kontsumo-data mantenduz, hasiera bateko arriskua (1.0) areagotu egiten da (1.4 eta 1.5 bitartera), arrautza gordinik edo gutxi kuzinatuta kontsumitzen bada.
  • Lehentasunezko kontsumo-data ere astebetez luzatzen bada (28 egunetik 35 egunera), arrisku erlatiboa 1.6koa izatetik 1.7koa izatera igarotzen da.
  • Aztertutako kasu txarrenean (42 eguneko iraungitze-data eta 70 eguneko lehentasunezko kontsumo-data), arrisku erlatiboa 2.9koa izatetik 3.5ekoa izatera igaroko litzateke.

Datu horiek aldatu egiten dira sukaldean arrautzari ematen zaion tratamenduaren arabera: arriskua handiagoa da produktua gordin dagoenean, eta txikiagoa arrautza ondo kuzinatu denean.

Arrautzak hondatzeak eta arrautzetan patogenoak ugaritzeak osasun publikoari dakarzkion arriskuak – EFSA

Utzi erantzuna

Zure e-posta ez da publikoa izango. * Derrigor bete beharrekoak

Garbitu formularioaPost comment